Imos dividir o proceso en tres partes:
- Creación do Bot, e do grupo en telegram.
- Programación do ESP32.
- Montaxe do circuito.
Creación do Bot en Telegram
Abrimos a aplicación de Telegram e buscamos "BotFather"
Unha vez que entras en BotFather, se queres ver as diferentes opcións podes escribir /help ou /start.
Agora indícanos que temos que poñer un nome ó Bot, así que tecleamos o nome que queremos para o noso Bot.
Agora, indica que temos que poñer un nome de usuario o noso Bot, ese nome ten que rematar en "bot"
Eu chameino OBotdeClase_bot
No momento en que poñemos un nome de usuario ao noso bot, BotFather, proporciona o token de acceso que precisaremos introducir no programa posteriormente para poder acceder o bot.
Agora hai que crear o grupo de telegram onde incluiremos as persoas que poderán interaccionar co bot e tamén incluiremos no grupo ó propio bot.
máis adiante veremos os premisos necesarios que ten que dar o propietario os outros membros do grupo para que podan interaccionar co bot.
Para interactuar co grupo de Telegram, no programa teremos que introducir o ID do grupo de telegram. Para saber cal é ese identificador, abriremos telegram no ordenador, pois na súa versión web, aparecerá na URL do grupo o seu ID:
#define CHAT_ID "-540037356"
*Nota: Cando estaba estudando como poder dar o control a varias persoas, lin varios titoriais para saber como determinar o ID dun grupo (para unha única persoa é doado, pois o bot IDBot permite obter ese identificador facilmente). Os titoriais propoñian diferentes métodos, pero ningún daba despois resultado na programación. A solución foi engadir ese guion ao número do enderezo web do grupo. Esperemos que ese método continúe no tempo, senón tocará buscar outros sistemas.
Para a programación do ESP, precisaremos :
O token (é importante que non sexa de dominio público, pois con esa clave calqueira pode tomar o control do Bot).
1767616658:AXXXXXXXXXXXXXXXXBuRloLzGx-7l-j0
O identificador do grupo.
"-540037356"
